Уруһуйдьут

Н.Макарова матыыба

Аптаах киистэ буламмын,

Абылыаҕым сир дьонун,

Араас өҥү оймооммун

Дьүөрэлиэҕим ойууну

Хараҥаны, нүһэри

Киэр илгиэҕим кэрэнэн,

Сырдык, чэбэр суоллары

Кэҥэтиэҕим үксэтэн

Кустук өҥүн ыламмын

Ыһыахтыаҕым бар дьоммор,

Олох сырдык кэмнэрин

Үксэтиэҕим үтүөнэн

Айылҕабыт мындыра

Суола-ииһэ, оһуора,

Элбии-чэлгии туруохтун,

Сырдык көбүөр буолуохтун!

Ардах

Н.Макарова матыыба

Ардах, ардах саккырыыр,

Таммахтары ыһыахтыыр,

Көйгүөрүһэ, аймалаһа

Түстүлэр бытарыһа

Оҕуруолуу ойуоккалыы,

Тиһиликтии сырсыакалыы

"Эн-мин" дэһэн үөрдүлэр,

Сэргэхсийэ сүүрдүлэр

Чуллур-чаллыр түстүлэр,

Дорҕооннору тистилэр,

"Тэҥҥэ-тэҥҥэ" дэстилэр

Матыып буолан көттүлэр

Оту-маһы сууйдулар,

Сөрүүкэтэ куттулар,

Ыллыы-туойа аастылар

Кустук өҥүн ыстылар

Самаан сайын

Н.Макарова матыыба

Уол оҕо

Н.Макарова матыыба

Дьиэрэҥкэйдии ойуолуур,

Туллуктары үөгүлүүр,

Сиккиэр тыаллыын сырсыһар,

Алаас уола буолабын!

Аар тайҕаны кэрийэр,

Байанайтан көрдөһөр,

Сатабылы иҥэринэр

Дойду уола буолабын!

Айылҕалыын алтыһар,

Кырдьаҕастан такыллар,

Үгэстэри тутуһар

Саха уола буолабын!

Сайаҕас майгыбынан,

Үлэһит үтүөбүнэн,

Сатабыллаах Саарын дэтэн

Сахам сирин ааттатыам!

Киэһэ

Н.Макарова матыыба

Киэһэ буолла, хараҥа

"Утуй" диирдии күн киирдэ,

Сып-сымнаҕас сыттыгым

Сылаанньыта ыҥырда

Киэһэ буолла, хараҥа

"Утуй" диирдии күн киирдэ

Кууһуом эһэ Миискэбин

Кутуйахпын олордуом,

Манаатын кини миигин

Күн тахсарын кэтиирдии

Ийэм кэлэн ип-итии

Илиитинэн имэрийиэ

Нарын-намчы ырыатын

Кулгаахпар сибигинэйиэ

Тииҥчээннэрэ

Н.Макарова матыыба

Хойуу киистэ киэргэллээх

Чөрөҕөркөөн кулгаахтаах,

Тииҥ удьуора буолабын

Тииҥчээннэрэ дэнэбин

Тииттэн тииккэ хатаастаммын

Эриэхэлиирбин таптыыбын,

Эргим -ургум тутаммын

Эттээҕиттэн талабын

Тэллэйи да сирбэппин,

Тууран ылаат, куурдабын,

Сэлээппэтэ сымнаҕас

Кэбийэргэ минньигэс

Үтүө түүлү

М.Пермякова матыыба

Бып быыкаайык күндү киһим

Киэһэ буолла нухарый,

Бып быллаҕар ытыстаргын

Холбуу тутан нуктаарыый

Сып сылаас нуп нуурал түүҥҥэ

Мэник тыал уҕараабыт,

Мип минньигэс үтүө түүлгэ

Ылларбыт айылҕабыт.

Чап чаҕылхай сулустарбыт

Халлааҥҥа биэтэҥнииллэр,

Топ толору туолбут ыйдыын

Түүлбүтүн арыаллыыллар

Сып сымнаҕас иэдэскиттэн

Сырылаччы сыллыыбын,

"Үтүө түүлү" баҕараммын

Оҕобун арчылыыбын

Дьуос Бээгэй

Н.Макарова матыыба

Иннэлээх диэн толлумаҥ,

Бэрт сүрэхтээх бэйэлээхпин

Дьуос иннэ диэн ааттаахпын

Ырааһыйаны сөбүлүүбүн

Мээчиктии төкүнүҥнүүбүн,

Тэллэйдэр хатаасталлар

Отоннор тиһиллэллэр

Кыс устата утуйарбар

Сэбирдэҕи бэлэмниирбэр,

Чараҥҥа эргичиҥниэм

Таҥас бэрдин хамыйыам.

Ыччаттарбар бээгэйдэрбэр

Үөрүйэхпин иҥэриэм,

Сыыртан түһэ үөрэтимэ

Ас тиһэргэ такайыам

Төп-төгүрүк

Н.Макарова матыыба

Төп төгүрүк күн барахсан

Төгүрүччү сырдатта,

Төп-төгүрүк сиик таммаҕын

Куурдан, ыһан, көтүттэ.

Төп-төгүрүк сандалыбар

Төп-төгүрүк бүлүүһэҕэ,

Төп-төгүрүк алаадьы

Дыргыл сыта тунуйар

Төп-төгүрүк кытыйаҕа

Эбээм күөрчэх ытыйбыт,

Төп-төгүрүк ньуоскабынан

Тото-хана оймуоҕум

Төп-төгүрүк алааспар

Төгүрүйэ айаннаан,

Төп –төгүрүк күөлүгэр

Тиийэн туубун көрүөҕүм

Төп-төгүрүк соболору

Түп-түргэнник оруоҕум,

Төп-төгүрүччү көрбүт

Балыстарбар көрдөрүөм

М.Пермякова матыыба

М.Пермякова матыыба

М.Пермякова матыыба

М.Пермякова матыыба

ХОМУРДУОСЧААН

Н.Макарова матыыба

Быычыкайкаан хомурдуосчаан

Ханна баран иһэҕин,

Быычыкайкаан атахчааҥҥын

Хады хады үктээҥҥин

Көрдөхпүнэ тиэтэйбиккин

Бөдөҥ искин соһоҥҥун,

Элбэх кэһии солун илдьэ

Дьиэ кэргэҥҥэр ыксааҥҥын

Сэбирдэҕи силимнээҥҥин

Уурбут туппут дьиэчээҥҥэр

Матаһыйбыт биэс эрэт

Мааҕыттан күүтэр эбээт..

Мичээртэн

("От улыбки" муз. М.Шаинского, сл.М.Высоцкого)

Мичээртэн курус күн сырдыыр,

Мичээртэн халлааҥҥа кустук уһуктуоҕа,

Үллэстиий бэйэҥ мичээргиттэн

Уон оччо мичээр бэйэҕэр эргиллиэҕэ

Оччоҕуна былыттар

Дьиэрэҥкэй тэбиэхтэрэ

Аһыҥачаан кырыымпаҕа тырылыаҕа,

Күр-күөх үрүйэчээнтэн

Саҕаланар өрүспүт,

Онтон доҕордоһуу саҕыллар мичээртэн

Күн утахтаах биир да мичээртэн

Олус хоргус ардахчаан ытаан бүтүөҕэ,

Оччоҕо сир үрдүн сырдата

Тырымныы холбоһоллор үгүс мичээрдэр

Оччоҕуна былыттар

Дьиэрэҥкэй тэбиэхтэрэ

Аһыҥачаан кырыымпаҕа тырылыаҕа,

Күр-күөх үрүйэчээнтэн

Саҕаланар өрүспүт,

Онтон доҕордоһуу саҕыллар мичээртэн

("Песенка мамонтенка"

муз. М.Шаинского, сл. Ю.Энтина)

Күп-күөх муора устун чээл күөх дойдуга

Хараабылбынан мин устан иһэбин

Тунал бэйэм хараабылбынан

Тунал бэйэм хараабылбынан

Долгуннар да тыаллар

Миигин чаҕыппаттар

Устан эрэбин соҕотох ийэкээммэр,

Долгуну, тыалы өксөйөммүн

Соҕотох ийэбэр тиийиэҕим,

Долгуну, тыалы өксөйөммүн

Соҕотох ийэбэр тиийиэҕим

Чээл күөх дойдуга тиксээри ыксыыбын

"Мин баарбын, мин кэллим"

диэн хаһытыаҕым,

Бэйэм ийэбин ыҥырыаҕым,

Бэйэм ийэбин ыҥырыаҕым

Ийэм иһиттин дуу

Ийэм кэллин дуу,

Ийэм хайаатар да миигин буллун дуу,

Оҕо сүтэрэ диэн суох эбээт

Бу орто туруу дойдуга

Оҕо сүтэрэ диэн суох эбээт

Бу орто туруу дойдуга

Мичээртэн

("От улыбки" муз. М.Шаинского, сл.М.Высоцкого)

Мичээртэн курус күн сырдыыр,

Мичээртэн халлааҥҥа кустук уһуктуоҕа,

Үллэстиий бэйэҥ мичээргиттэн

Уон оччо мичээр бэйэҕэр эргиллиэҕэ

Оччоҕуна былыттар

Дьиэрэҥкэй тэбиэхтэрэ

Аһыҥачаан кырыымпаҕа тырылыаҕа,

Күр-күөх үрүйэчээнтэн

Саҕаланар өрүспүт,

Онтон доҕордоһуу саҕыллар мичээртэн

Күн утахтаах биир да мичээртэн

Олус хоргус ардахчаан ытаан бүтүөҕэ,

Оччоҕо сир үрдүн сырдата

Тырымныы холбоһоллор үгүс мичээрдэр

Оччоҕуна былыттар

Дьиэрэҥкэй тэбиэхтэрэ

Аһыҥачаан кырыымпаҕа тырылыаҕа,

Күр-күөх үрүйэчээнтэн

Саҕаланар өрүспүт,

Онтон доҕордоһуу саҕыллар мичээртэн

("Песенка мамонтенка"

муз. М.Шаинского, сл. Ю.Энтина)

Күп-күөх муора устун чээл күөх дойдуга

Хараабылбынан мин устан иһэбин

Тунал бэйэм хараабылбынан

Тунал бэйэм хараабылбынан

Долгуннар да тыаллар

Миигин чаҕыппаттар

Устан эрэбин соҕотох ийэкээммэр,

Долгуну, тыалы өксөйөммүн

Соҕотох ийэбэр тиийиэҕим,

Долгуну, тыалы өксөйөммүн

Соҕотох ийэбэр тиийиэҕим

Чээл күөх дойдуга тиксээри ыксыыбын

"Мин баарбын, мин кэллим"

диэн хаһытыаҕым,

Бэйэм ийэбин ыҥырыаҕым,

Бэйэм ийэбин ыҥырыаҕым

Ийэм иһиттин дуу

Ийэм кэллин дуу,

Ийэм хайаатар да миигин буллун дуу,

Оҕо сүтэрэ диэн суох эбээт

Бу орто туруу дойдуга

Оҕо сүтэрэ диэн суох эбээт

Бу орто туруу дойдуга

Харыйачаан

("Елочка-елка" муз О. Фельцмана,

сл И. Шаферана)

Харыйачааммыт

Тыа дыргыл сыта,

Олус кэрэ киэргэл

Симэхтэннэ

Харыйачааммыт

Бу үөрүүлээх күн

Хас иннэчээнинэн

Үөрдүө бүгүн

Харыйа таптыыр

Көрдөөх дьоннору

Биһи ыҥырабыт

Ыалдьыттары

Харыйачааммыт

Бу үөрүүлээх күн

Хас иннэчээнинэн

Үөрдүө бүгүн

Харыйа лабаатынан

Далбаатыа,

Остуоруйалыы кэлиэ

Саҥа Дьыл

Харыйачааммыт

Бу үөрүүлээх күн

Хас иннэчээнинэн

Үөрдүө бүгүн

Паровозик ырыата

("Песенка паровозика" муз. МШаинского,

сл. Д.Непомнящего

)

Көнө солооһун

Күп-күөх арыы тыа,

Элбэҕин сааһын

Суолун-ыллыгын

Бу сиргэ күнчээммит

Күлүмнүү сырдаа,

Алҕаа дуу тыалчааммыт

Үтүө айаны,

Үтүө да, үтүө да,

Үтүө айаны,

Олус да, олус да

Үтүө айаны

Кэрэхсэбиллээх

Тугу көрөрбүт,

Эйэ ырыата

Чугдаар бу сиргэ

Бу сиргэ күнчээммит

Күлүмнүү сырдаа,

Алҕаа дуу тыалчааммыт

Үтүө айаны,

Үтүө да, үтүө да,

Үтүө айаны,

Олус да, олус да

Үтүө айаны